U mai kolkaść rasijskich bieśpiłotnikaŭ u biełaruskim niebie znoŭ vyrasła
Pavodle danych ukrainskaha manitorynhavaha telehram-kanała «Rinda Monitoriť», zafiksavana jak minimum 8 takich vypadkaŭ. Heta bolš, čym u krasaviku (tady było tolki 3 vypadki), ale mienš, čym u studzieni — sakaviku, piša «Fłahštok».
Drony pranikali ŭ Biełaruś u dni, kali adbyvalisia masiravanyja rasijskija ataki na Ukrainu, asabliva ŭ Homielskaj vobłaści — 6, 7, 11, 18 i 23 maja. Najčaściej jany lacieli z Čarnihaŭskaj vobłaści i pierasiakali miažu pa Dniapry ŭ Brahinskim i Łojeŭskim rajonach unačy.
U Homielskaj vobłaści taksama nazirali prysutnaść rasijskaj avijacyi. Samaloty Ił-76 pryziamlalisia ŭ homielskim aeraporcie 23, 24 i 25 maja — jany dastaŭlali i vyvozili vajennapałonnych padčas abmienaŭ pamiž Rasijaj i Ukrainaj na punkcie propusku «Novaja Huta».
27 maja paviedamlałasia i pra źjaŭleńnie ŭ niebie nad Biełaruśsiu samalota dalokaha radyjołakacyjnaha vyjaŭleńnia na bazie savieckaha Ił-20.
Čytajcie taksama:
Najmienš dziesiać rasijskich dronaŭ siońnia zalacieli ŭ Biełaruś