Piać hadoŭ tamu aryštavali Mikołu Statkieviča
Ź lutaha 2023 hoda 68-hadovaha Mikołu Statkieviča ŭtrymlivajuć biez suviazi z rodnymi i źniešnim śvietam (režym inkamunikada).
Siońnia, 31 maja, roŭna piać hadoŭ, jak Mikoła Statkievič byŭ zatrymany. 31 maja 2020 hoda jon jechaŭ na Kamaroŭku na pikiet Śviatłany Cichanoŭskaj.
Tady Statkievič i Sieviaryniec zaklikali ŭ sacyjalnych sietkach abaranić Siarhieja Cichanoŭskaha, zatrymanaha 29 maja, i budučyniu krainy i dałučacca da lehalnych pikietaŭ va ŭsich abłasnych centrach a 12-j hadzinie ŭ niadzielu.
Paŭła zatrymajuć praz tydzień, 7 červienia 2020 hoda, za dva miesiacy da pratestaŭ.
U śniežni 2021 hoda Statkieviča asudzili na 14 hadoŭ kałonii asablivaha režymu za arhanizacyju masavych biesparadkaŭ. Pakarańnie adbyvaje ŭ Hłybockaj kałonii.
Ź lutaha 2023 hoda Mikołu Statkieviča ŭtrymlivajuć biez suviazi z rodnymi i źniešnim śvietam (režym inkamunikada).