U Maładziečnie zrabili piešachodnuju asfaltavanuju darožku, ale nie daciahnuli niekalki mietraŭ da prypynku
U redakcyju Kraj.by źviarnuŭsia žychar mikrarajona Lasnyja.
— Nie mahu zastavacca abyjakavym, — pačaŭ jon razmovu. — Ja jezdžu na aŭtamabili, ale nie mahu spakojna hladzieć, jak pieraadolvajuć łužyny žychary Lasnych, jakija karystajucca hramadskim transpartam. Na vulicy Jakuba Kołasa zrabili novuju piešachodnuju darožku. Dziakuj za heta. Voś tolki niejkich paru mietraŭ nie daviali da aŭtobusnaha prypynku. Vy b bačyli, jak tam ciapier chodziać vakoł łužyny!
Ź inšaha boku prypynku lažać bietonavyja plity. A voś tym, chto idzie siudy pa dobraŭparadkavanaj darožcy, davodzicca abychodzić vakoł śmietnicy.
Miarkujučy pa ŭtaptanaj da piasku travie, ludziej tut chodzić niamała.
Łužyna ŭ daŭžyniu składaje kala 10 mietraŭ, moža, krychu mienš.
Viktar dziviŭsia: niaŭžo tyja, chto ŭkładvaŭ asfalt, nie bačyli, što hety pramiežak ad dobraŭparadkavanaj darožki da prypynku stanie prablemnym?