Rasija ŭnačy ŭdaryła pa Charkavie
U noč na 31 maja ŭ Charkavie prahučała sieryja vybuchaŭ, na miescy prylotaŭ uźnikli pažary, paciarpieŭ čałaviek.
«U horadzie było čutna vybuchi! Nad Charkavam zafiksavana varožyja ŭdarnyja BPŁA», — napisaŭ mer horada Ihar Cierachaŭ.
Miascovyja ŚMI i publičnyja kanały paviedamili pra prynamsi 8 vybuchaŭ u horadzie.
Paźniej Cierachaŭ udakładniŭ, što pad udaram — Šaŭčenkaŭski rajon horada. Zatym haradski hałava paviedamiŭ pra traplańnie pa terytoryi vytvorčaha pradpryjemstva ŭ Kijeŭskim rajonie. Na miescach prylotaŭ uźnikli pažary.
U Šaŭčenkaŭskim rajonie pad udaram apynułasia STA — paškodžany pamiaškańni i niekalki aŭtamabilaŭ.
U Kijeŭskim — u vyniku prylotu ŭ niekalkich damach vybiła šyby.
Pavodle słoŭ Cierachava, usiaho zafiksavana vosiem prylotaŭ pa horadzie — dva ŭ Šaŭčenkaŭskim rajonie i šeść u Kijeŭskim.