U Varšavie palicyja zatrymała biełarusa za pahrozy rabotniku AZS i zachoŭvańnie marychuany doma
Jaho sužycielaŭ taksama abvinavacili ŭ zachoŭvańni narkotykaŭ, piša Druhaja kamiendatura palicyi Varšavy. Na publikacyju źviarnuŭ uvahu Reform.
Zatrymany biełarus. Fota: mokotow.policja.gov.pl
25-hadovaha hramadzianina Biełarusi zaŭvažyli na adnoj z varšaŭskich AZS u rajonie Ursynaŭ. Jon pryparkavaŭ svaju mašynu z parušeńniem pravił, na što ŭkazaŭ supracoŭnik stajanki. Tady biełarus adkazaŭ, što zabiare mašynu, a rabotnika — zabje. Pačaŭ pahražać pistaletam.
Supracoŭnik AZS vyklikaŭ palicyju — biełarusa zatrymali na susiedniaj vulicy. Akazałasia, jon znachodziŭsia pad uździejańniem narkatyčnych rečyvaŭ.
Zatrymany biełarus. Fota: mokotow.policja.gov.pl
Doma ŭ biełarusa praviali vobšuk i znajšli druhi pistalet i 60 hramaŭ marychuany. Jaho 38-hadovuju sužycielku i jaje 17-hadovaha syna taksama abvinavacili ŭ zachoŭvańni narkotykaŭ, ale adpuścili. Biełarus zastajecca pad palicejskim nahladam.