U centry Minska začyniŭsia restaran «na miljon»
Niezvyčajny restaran na nabiarežnaj Śvisłačy «Siryus M» začyniŭsia. Pra heta ŭstanova paviedamiła na svaich staronkach u sacsietkach, piša Office Life.
Fota: Onliner.by
Apošnim pracoŭnym dniom stała sierada, 14 maja. U hety dzień restaran pracavaŭ da 00:00.
Ustanovu adkryli ŭ žniŭni minułaha hoda na praśpiekcie Niezaležnaści ŭ budynku «eks-Kiempinski». Jana vyłučałasia futurystyčnym stylem. Za niezvyčajny i darahi interjer u sacsietkach jaho tady achryścili «restaranam za $1 młn».
Što stała pryčynaj zakryćcia, nie ŭdakładniajecca.
Naohuł, biudžetnym restaran nazvać ciažka. Sałaty i supy ŭ mieniu kaštujuć kala 30 rubloŭ, haračyja stravy ź miasam — ad 45 rubloŭ, harbata — 15 rubloŭ, desierty — 24 rubli.
Ale i stravy ŭ mieniu nie zusim zvyčajnyja: vaśminoh na vuhlach, marski hrabieńčyk, file mińjon z alenia abo boršč z tušanaj kačkaj.