«Trajpł» znoŭ vystaviŭ na prodaž kaviarniu «Załaty hrabieńčyk»
Pamiaškańnie niekali papularnaj kaviarni «Załaty hrabieńčyk» znoŭ vystavili na tarhi. Jany pavinny adbycca 27 maja, a canu źnizili amal na 700 tysiač rubloŭ u paraŭnańni z papiarednim aŭkcyjonam, paviedamlaje Office Life sa spasyłkaj na «BiełJurZabieśpiačeńnie».
Fota ilustracyjnaje
Startavaja cana za pamiaškańnie płoščaj 790,1 kv. m — 4,941 miljona rubloŭ. Mebla ŭ hety košt nie ŭvachodzić.
Ułaśnikam kaviarni pa-raniejšamu źjaŭlajecca «Trajpł», choć paznačana, što abjekt znachodzicca pad aryštam sudovaha vykanaŭcy.
Faktyčna pamiaškańnie kaviarni sprabujuć pradać užo piaty raz. Apošni aŭkcyjon, praŭda, płanavaŭsia davoli daŭno — u śniežni 2023-ha. Tady za «Załaty hrabieńčyk» (u toj čas dziejnaja ŭstanova) prasili 5,6 miljona rubloŭ.
U pačatku 2025 hoda Juryj Čyž pryniaŭ rašeńnie kaviarniu zakryć, a kampaniju, jakaja joj kiravała, likvidavać.
Čytajcie taksama:
Zakryvajecca znakamitaje kafe «Załaty hrabieńčyk» u centry Minska, jakoje naležała Čyžu
Juryj Čyž pajšoŭ u rasijski sud, kab pazmahacca za svoj małakazavod u Hielendžyku
U Minsku znoŭ vystavili na prodaž Arena City
Samuju darahuju kvateru ŭ Minsku ŭ studzieni pradali ŭ Domie Čyža