Ministr Kubrakoŭ u Dubai sustreniecca z kiraŭnictvam Interpała
Ministr unutranych spraŭ Biełarusi Ivan Kubrakoŭ sustreniecca z kiraŭnictvam Interpała i zamiežnymi kalehami na Suśvietnym palicejskim samicie ŭ Dubai (AAE), paviedamlaje pres-słužba MUS.
Suśvietny palicejski samit źbiraje kiraŭnikoŭ palicejskich viedamstvaŭ z roznych krain, ekśpiertaŭ u śfiery biaśpieki, kiraŭnikoŭ mižnarodnych arhanizacyj dla abmienu dośviedam i ŭmacavańnia supracoŭnictva.
Pašyrany paradak dnia ŭklučaje bolš za dziasiatak kanfierencyj z vystupleńniami śpikieraŭ i abmierkavańniem aktualnych pytańniaŭ.
Na palach samitu zapłanavany dvuchbakovyja rabočyja sustrečy kiraŭnika MUS Biełarusi z zamiežnymi kalehami i kiraŭnictvam Interpała dla abmierkavańnia aśpiektaŭ sumiesnaj pracy pa mnohich napramkach. Šerah sustreč z kalehami z SND užo adbyŭsia, paviedamlaje pres-słužba MUS.