U Pieciarburhu na 84-hadovuju błakadnicu skłali čarhovy pratakoł za «dyskredytacyju» armii
Na błakadnicu Ludmiłu Vasiljevu skłali novy pratakoł za «dyskredytacyju» armii. Sud pryniaŭ jaho da razhladu, pasiadžeńnie pryznačyli na 23 maja.
Ludmiła Vasiljeva. Fota: Bumaha
Raniej Ludmiła Vasiljeva paviedamiła vydańniu «Bumaha», što joj prychodziła pozva ŭ pastarunak palicyi № 28. Jaje vyklikali dla składańnia pratakołu pavodle artykuła ab «dyskredytacyi» Uzbrojenych sił RF (art. 20.3.3 KaAP). Pavodle słoŭ Vasiljevaj, heta źviazana z adzinočnym pikietam kala Haścinnaha dvara 24 lutaha 2025 hoda.
Na błakadnicu ŭžo składali anałahičny pratakoł u pačatku krasavika. Adnak Kujbyšaŭski sud nie pryniaŭ jaho da razhladu i viarnuŭ u palicyju z-za dapuščanych pamyłak.
Ludmile Vasiljevaj 84 hady. Jana nieadnarazova ŭdzielničała ŭ pratesnych akcyjach, a ŭ 2024 hodzie sprabavała zarehistravacca kandydatkaj u hubiernatary Pieciarburha. U čarhovuju hadavinu pačatku vajny kala hadziny prastajała z płakatam kala Haścinnaha dvara. Palicejskija nie stali zatrymlivać błakadnicu.