«Źbieh abstavinaŭ». U «Minsktransie» prakamientavali incydent z pandusam, jaki adłamaŭsia ad aŭtobusa prosta padčas rejsu
Videa ź incydentam, jaki adbyŭsia 9 maja, užo nabrała bolš za 2,4 miljona prahladaŭ, što vymusiła pradpryjemstva apraŭdvacca.
Skrynšot z rolika
Na dniach adzin z karystalnikaŭ tyktoka vykłaŭ videa, jak kiroŭca aŭtobusa MAZ-215, jaki absłuhoŭvaŭ staličny maršrut 119C (Vakzał — Akvapark), sprabuje apuścić pandus dla taho, kab u jaho sałon moh zajechać invalid, ale saržaviełaje prystasavańnie prosta advalvajecca i padaje na ziamlu.
U «Minsktransie» patłumačyli, što apublikavany incydent — źbieh abstavin.
«Pry kožnym płanavym techabsłuhoŭvańni praviarajecca spraŭnaść aparelaŭ (tak nazyvajecca hety adkidny pandus — NN), u tym liku i ŭ aŭtobusie, zafiksavanym na videa.
U hetym vypadku padčas adkryćcia apareli vyrvała zaviesu macavańnia», — paviedamili na pradpryjemstvie.