Bondarava bje tryvohu: u Babrujsku Lenin pakryŭsia ćvillu, a na administracyju paviesili «BČB-arnamient» ź dziaržściaha

Prarasijskaja aktyvistka atakuje miascovyja ŭłady Babrujska — u tym liku za adzin ź dziaržaŭnych simvałaŭ.

Hrodzienskaja danosčyca Volha Bondarava raspačała čarhovy «kryžovy pachod» — hetym razam suprać babrujskich čynoŭnikaŭ. Pryčynaj staŭ, na jaje dumku, zaniadbany pomnik Leninu.

Bondarava apublikavała fota pomnika, što staić na płoščy Lenina nasuprać harvykankama. Na zdymku vidać, što manumient zaržavieŭ i pakryŭsia zialonaj ćvillu. Pomnik Leninu jana nazvała «historyka-kulturnaj kaštoŭnaściu biełaruskaha naroda» i aburyłasia złačynnym biaździejańniem čynoŭnikaŭ.

«Tak voś «restaŭratary» restaŭrujuć historyka-kulturnuju spadčynu biełaruskaha naroda.

Zaniadbany da niemahčymaści pomnik ź ćvillu staić pad samymi voknami vykankama ŭ centry horada — i nikomu z žycharoŭ hetaj nievierahodnaj ustanovy nie mazolić ni voka, ni sumleńnie. Ni deputatam z pamočnikami, ni staršyni ź jaho namieśnikami i namieśnikami namieśnikaŭ», — napisała Bondarava.

Akramia taho, danosčyca abvinavaciła ŭ biaździejańni miascovych kamunistaŭ i navat Alesia Dziermanta, jaki «amal štodnia bje siabie piataju ŭ hrudzi, pryznajučysia ŭ lubovi da Uładzimira Iljiča». Nahadajem, samu Bondaravu z partyi vyhnali.

Jość u jaje dopisie i čarhovaja «kramoła»: aktyvistka zajaviła, što budynak vykankama aformleny ŭ «BČB-kalaroŭcy». «Niapravilnyja kolery» jana ŭhledzieła ŭ arnamiencie dziaržaŭnaha ściaha.

Kamientary da artykuła