Hiermanija pry Miercu nie budzie publikavać detali vajskovaj dapamohi Ukrainie
Fiederalny kancler Hiermanii Frydrych Mierc zajaviŭ, što jahony ŭrad spynić publikacyju detalnych paviedamleńniaŭ pra vajskovyja pastaŭki Ukrainie, jak heta rabiłasia pry raniejšym uradzie Ołafa Šolca.
Frydrych Mierc. Fota: AP Photo/Markus Schreiber
«Pad maim kiraŭnictvam debaty ab pastaŭkach zbroi, kalibrach, sistemach uzbrajeńniaŭ i hetak dalej buduć vyviedzienyja z pola zroku hramadskaści», — cytuje Reuters intervju Mierca telekanałam RTL/ntv padčas vizitu ŭ Kijeŭ.
Krynica Reuters raniej kazała, što zakryć hetyja źviestki płanavałasia dla taho, kab zabiaśpiečyć «stratehičnuju nieadnaznačnaść» i nie dać Rasii stratehičnaj pieravahi.
Frydrych Mierc i jahonaja partyja CHDS, budučy ŭ apazicyi Ołafu Šolcu i jahonamu ŭradu, vystupali za pastaŭki Ukrainie kryłatych rakiet Taurus dalokaściu kala 500 km, na što Šolc tak i nie pahadziŭsia.
Čytajcie taksama:
Paśla sustrečy «Kaalicyi achvotnych» u Kijevie jeŭrapiejskija lidary sazvanilisia z Trampam
Rasija i Ukraina mohuć padpisać pahadnieńnie ab spynieńni ahniu ŭ hetyja vychadnyja — Mierc