Na minskim stadyjonie «Traktar» prajšoŭ pieršy matč paśla praciahłaj rekanstrukcyi
Papiaredniaja hulnia na jašče starym «Traktary» prajšła 12 listapada 2022 hoda — 910 dzion tamu. Abnoŭlenaja arena była adkrytaja jašče ŭ listapadzie minułaha hoda, ale pieršy matč na joj prajšoŭ tolki ciapier, piša «Smartpres».
Futbolny «Minsk» prymaŭ na hetym stadyjonie ŭ matčy vośmaha tura čempijanatu Biełarusi dziaržynski «Arsienał», hulnia skončyłasia ŭničyju 2:2. Ciapier hety stadyjon budzie dla «Minska» chatnim.
Stadyjon «Traktar» raźmiaščajecca pobač z novapabudavanym Nacyjanalnym stadyjonam, adkryćcio jakoha zapłanavana nieŭzabavie. «Traktar» u vyniku rekanstrukcyi pryniaŭ bolš sučasny vyhlad, čym raniej. Praŭda, na im zastałasia tolki adna trybuna, ale na joj ustalavanyja novyja siadzieńni, tak što kamfortu dla hledačoŭ dadałosia.
Čytajcie taksama:
Nacyjanalny futbolny stadyjon u Minsku budzie adkryty 7 červienia
Nie paśpiavajuć zdać Nacyjanalny stadyjon: finał futbolnaha Kubka Biełarusi pieranieśli ŭ Hrodna