Paśla sustrečy «Kaalicyi achvotnych» u Kijevie jeŭrapiejskija lidary sazvanilisia z Trampam
Pradstaŭniki Hiermanii, Polščy, Vialikabrytanii i Francyi sustrelisia z prezidentam Ukrainy Uładzimiram Zialenskim i patelefanavali prezidentu ZŠA Donaldu Trampu.
Starmier, Zialenski, Makron, Tusk i Mierc u Kijevie. Fota: andrii_sybiha / X
Paśla sustrečy jeŭrapiejskija lidary patelefanavali Trampu, paviedamiŭ hłava MZS Ukrainy Andrej Sybiha.
«Jany adznačyli, što Ukraina i ŭsie chaŭruśniki hatovyja da poŭnaha biezumoŭnaha spynieńnia ahniu na sušy, u pavietry i na mory minimum na 30 dzion, pačynajučy z paniadziełka», — napisaŭ jon.
Sustreča «Kaalicyi achvotnych» adbyłasia 10 maja ŭ Kijevie. U abjadnańnie ŭvachodziać kala 30 krain.
Hetym razam na abmierkavańni byli kancler Hiermanii Frydrych Mierc, prezident Francyi Emanuel Makron, premjer-ministry Vialikabrytanii i Polščy Kir Starmier i Donald Tusk i prezident Ukrainy Uładzimir Zialenski.