Litva nakiroŭvaje na miažu ź Biełaruśsiu dadatkovyja vojski
Litva nakiroŭvaje dadatkovyja vajskovyja siły na miažu ź Biełaruśsiu ŭ adkaz na rost kolkaści nielehalnych mihrantaŭ, jakija sprabujuć pierasiačy miažu z susiedniaj krainy. Pra heta paviedamlaje LRT.
Miaža Litvy ź Biełaruśsiu. Fota: Paulius Peleckis / Getty Images
Načalnik Dziaržaŭnaj pamiežnaj słužby Rustam Lubajeŭ paviedamiŭ, što jahonaje viedamstva damoviłasia z Uzbrojenymi siłami Litvy ab raźmiaščeńni dadatkovych vojskaŭ uzdoŭž miažy ź Biełaruśsiu u pamiežnym rajonie Arany pačynajučy z čaćviarha.
«Ja nie budu raskryvać (kolkaść vojskaŭ) na hety momant, heta nie źjaŭlajecca publičnaj infarmacyjaj, ale litoŭskija vojski dapamohuć nam u harantavańni biaśpieki na ŭčastkach niekalkich pamiežnych punktaŭ», — skazaŭ Lubajeŭ telekanału TV3 News.
Litoŭskaja pamiežnaja słužba ŭ čaćvier ranicaj paviedamiła, što litoŭskija pamiežniki za apošnija 24 hadziny adpravili nazad 48 čałaviek, jakija sprabavali nielehalna pierasiačy miažu. Dniami hrupa mihrantaŭ zakidała litoŭskich pamiežnikaŭ kamianiami i pałkami.
Čytajcie taksama:
Polski pamiežnik paciarpieŭ ad kamianioŭ mihrantaŭ na miažy ź Biełaruśsiu
Łatvijskija pamiežniki prymianili stralbu dla zatrymańnia mihrantaŭ
Litoŭski servis Paysera patłumačyŭ, čamu zabłakavaŭ rachunki niekatorych biełarusaŭ