Łukašenka padpisaŭ zakon ab amnistyi
Alaksandr Łukašenka padpisaŭ zakon «Ab amnistyi ŭ suviazi z 80-hodździem Pieramohi ŭ Vialikaj Ajčynnaj vajnie», piša BiełTA.
Na palitviaźniaŭ, napeŭna, amnistyja raspaŭsiudžvacca nie budzie.
Zakonam praduhledžvajecca vyzvaleńnie ad pakarańnia i inšych mier kryminalnaj adkaznaści abo źmiakčeńnie pakarańnia za ździajśnieńnie złačynstvaŭ, što nie ŭjaŭlajuć vialikaj hramadskaj niebiaśpieki, abo mienš ciažkich złačynstvaŭ dla šerahu katehoryj asudžanych.
Siarod ich — niepaŭnaletnija, ciažarnyja žančyny, žančyny i adzinokija mužčyny ź dziećmi da 18 hadoŭ, invalidy I i II hrupy, asoby, što paciarpieli ad katastrofy na Čarnobylskaj AES, a taksama tyja, chto atrymaŭ ranieńni abo zachvorvańni ŭ pieryjad vajskovaj słužby abo słužby ŭ vajenizavanych arhanizacyjach, i inšyja.