U Minsku prezientavali banknotu Br80 i pamiatnyja maniety da 80-hodździa Pieramohi
U stalicy adbyłasia prezientacyja banknoty naminałam 80 rubloŭ i pamiatnych maniet «80 hod Pieramohi savieckaha naroda ŭ Vialikaj Ajčynnaj vajnie», piša BiełTA.
Uračystaja padzieja prajšła ŭ Zale Pieramohi Biełaruskaha dziaržaŭnaha muzieja historyi Vialikaj Ajčynnaj vajny. U mierapryjemstvie pryniaŭ udzieł staršynia praŭleńnia Nacyjanalnaha banka Raman Hałoŭčanka.
Jak adznačyŭ Raman Hałoŭčanka, u Nacbanku ź vialikaj pavahaj staviacca da zachavańnia histaryčnaj pamiaci. Da znakavych dat tradycyjna vypuskajucca pamiatnyja maniety. U hetym hodzie, da 80-hodździa Pieramohi, vypuścili taksama i pamiatnuju banknotu.