Ałbanija viarnuła biaźviz dla biełarusaŭ na peŭnych umovach
Ale ŭ abnoŭlenaha biaźvizu jość niuansy.
24 krasavika ŭrad Ałbanii abviaściŭ ab poŭnym spynieńni dziejańnia pahadnieńnia ź Biełaruśsiu, jakoje było padpisana ŭ 2019 hodzie. Adnak litaralna praz tydzień čynoŭniki źmianili rašeńnie: biaźviz znoŭ dziejničaje. Pra heta raspaviali ŭ Respublikanskim sajuzie turystyčnych arhanizacyj.
Ale ŭ abnoŭlenaha biaźvizu jość niuansy. Biełarusy mohuć znachodzicca ŭ Ałbanii bieź vizy da 30 vieraśnia, pry hetym termin adnarazovaha znachodžańnia nie pavinien pieravyšać 30 dzion. A na praciahu hoda — sumarna 90 dzion.
U minułym mai Ałbanija ŭžo prypyniała dziejańnie pahadnieńnia. Ale tady heta datyčyłasia tolki ŭładalnikaŭ biełaruskich dypłamatyčnych i słužbovych pašpartoŭ.