Uśled za premjer-ministram Indyi ministr abarony krainy taksama nie pajedzie na parad u Maskvu
Indyju na paradzie ŭ Maskvie pavinien byŭ pradstavić Narendra Modzi, adnak jon admianiŭ vizit. Zamiest jaho ŭ Rasii čakali ministra abarony Indyi, ale i jon admoviŭsia ad vizitu ŭ Maskvu.
Premjer-ministr Indyi Narendra Modzi (sprava) ź ministram abarony Radžnat Sinhcham, 4 červienia 2024 h. Fota: AP Photo / Manish Swarup
Ministr abarony Indyi Radžnat Sinhch nie prymie ŭdzieł u paradzie 9 traŭnia ŭ Maskvie. Hetaje rašeńnie było pryniata na fonie rostu napružanaści z Pakistanam paśla teraktu ŭ Pachałhamie.
Raniej Rasija zaprasiła premjer-ministra Indyi Narendru Modzi na śviatkavańnie 80-hodździa pieramohi. Adnak, pavodle apošnich paviedamleńniaŭ, Modzi nie płanuje naviedvać Maskvu. U vyniku było vyrašana, što Radžnat Sinhch budzie pradstaŭlać Indyju, ale ciapier i jaho niechta zamienić.
Pradstaŭniki rasijskaha ŭrada adznačali raniej, što na parad zaprošany lidary niekalkich «družalubnych krain». Ciapier pad pytańniem akazaŭsia i ŭdzieł u paradzie ŭ Maskvie prezidenta Sierbii Alaksandra Vučyčy i premjer-ministra Słavakii Robierta Fica, jakija raptoŭna prychvareli.