Stała viadoma, kudy ŭładkavaŭsia kiraŭnik Kalinkavič, jaki ŭ 2022 hodzie sustrakaŭ rasijskich vajskoŭcaŭ z chlebam-sollu
Istotnaje panižeńnie, ale ŭsio adno zastajecca pry chlebnaj pasadzie.
Staršynia Kalinkavickaha rajvykankama Siarhiej Hvozdź sustreŭ ešałon z rasijskim uzbrajeńniem chlebam z sollu zimoj 2022 hoda
Były staršynia Kalinkavickaha rajvykankama Siarhiej Hvozdź staŭ ideołaham nie samaha paśpiachovaha pradpryjemstva.
Jak vyśvietliŭ «Fłahštok» z dapamohaj «Kibierpartyzanaŭ», jon uładkavaŭsia namieśnikam dyrektara pa ideałahičnaj pracy, kadrach i sacyjalnych pytańniach AAT «Mazyrtechservis». Na hetaj pasadzie, jakaja jon pracuje ź listapada 2024 hoda.
Z rajvykankama Hvaździa zvolnili ŭ vieraśni 2024 hoda.
Siarhiej Hvozdź u listapadzie 2024 hoda trapiŭ na fota, apublikavanaje na staroncy «Mazyrtechservisa» ŭ instahramie
Čynoŭnik trapiŭ u niamiłaść u mai 2024 hoda, kali siarod rabotnikaŭ dziaržsłužbaŭ prajšła infarmacyja, što jon zatrymany siłavikami. U pryjomnaj vykankama tady adkazvali, što Hvozdź na balničnym, a zatym raptam znoŭ źjaviŭsia na pracy.
Hvozdź uznačalvaŭ rajvykankam z 2018 hoda. U 2020-m jon adznačyŭsia tym, što zahadaŭ prymusić biespracoŭnych prybirać fiermy i mohiłki, u 2022-m asabista sustrakaŭ chlebam-sollu rasijskija vojski.
Siarhiej Hvozdź. Fota: «Žyćcio Paleśsia»