Pucin źmianiŭ mety ŭ vajnie — amierykanskaja raźviedka
Taksama kiraŭnik Rasii sprabuje stymulavać ekanomiku, jakaja praz vajnu i sankcyi znachodzicca ŭ ciažkim stanoviščy.
Uładzimir Pucin. Fota: Artem Priakhin / SOPA Images / LightRocket via Getty Images
Novyja danyja raźviedki, jakija vyvučyli amierykanskija i zachodnija čynoŭniki, śviedčać pra toje, što Uładzimir Pucin, imavierna, pieraklučyŭ svaju ŭvahu ŭ vajnie na «bolš karotkaterminovyja mety» umacavańnia ŭpłyvu na terytoryjach, zachoplenych Rasijaj, piša CNN sa spasyłkaj na niekalki krynic.
Jašče adnoj karotkaterminovaj metaj krynicy CNN nazyvajuć stymulavańnie rasijskaj ekanomiki, jakaja znachodzicca ŭ składanym stanoviščy. Jak adznačaje CNN, da hetaha, pavodle acenak raźviedki, Pucin ličyŭ, što biahučaja situacyja ŭ vajnie składajecca na jaho karyść, i što ŭ jaho jość patrebny impuls i resursy.
Pavodle słoŭ dźviuch krynic CNN, aktualnyja danyja, jakija śviedčać pra mahčymuju źmienu myśleńnia Pucina, adbilisia na pierakanańniach Donalda Trampa i jaho kamandy ŭ tym, što rasijski prezident moža być hatovy razhledzieć mirnaje pahadnieńnie.
Adnak vysokapastaŭlenyja amierykanskija čynoŭniki pa-raniejšamu skieptyčna staviacca da Pucina i jaho zajaŭ, što jon choča mirnaha pahadnieńnia, piša CNN.
Taksama isnuje «šyroka raspaŭsiudžanaje mierkavańnie», što navat kali Rasija pahodzicca na pieramirje, jana moža pasprabavać adnavić vajnu i zachapić jašče bolš ukrainskich terytoryj u doŭhaterminovaj pierśpiektyvie.