Na minskim «Kryštali» buduć vypuskać harełku «Sukaleń»
«Minsk Kryštal» zapuścić vytvorčaść harełki «Sukaleń». Adpaviednyja zapisy źjavilisia ŭ bazach Nacyjanalnaha centra intelektualnaj ułasnaści Dziaržaŭnaha kamiteta pa navucy i technałohijach Biełarusi i Raspatenta, piša vydańnie «Biełorusy i rynok».
Sukaleń — heta adna z nazvaŭ rodu bujnych bałotnych ptušak siamiejstva bakasavych ź vielmi doŭhaj dziubaj i doŭhimi nahami.
Čaściej u Biełarusi hetych ptušak nazyvajuć hrycukami, i adzin ź jaje vidaŭ, vialiki hrycuk, pryznany ŭ našaj krainie ptuškaj 2025 hoda. Jon zaniesieny ŭ nacyjanalnuju Čyrvonuju knihu.
U partfieli «Minsk Kryštal hrup» užo, darečy, jość harełka z «ptušynaj» nazvaj — «Kanaplanka». Pad hetym brendam pradpryjemstva taksama vypuskaje raznastajnyja nastojki.
Čytajcie taksama:
U minskich kramach pradajuć kitajskuju harełku za tysiaču rubloŭ
Mužčyna załpam vypiŭ litr harełki i pamior
Mienš miasa i ryby. Jak źmianilisia praduktovyja pakupki biełarusaŭ za hod