Pravaabaroncy: U Ivacevickaj kałonii — epidemija kavidu
U Ivacevickaj kałonii №22 «Voŭčyja nory» — epidemija karanavirusa. Asudžanyja chvarejuć cełymi atradami, skardzicca zabaroniena, paviedamlaje Mayday.team.
U miedčastcy kałonii nie staje lekaŭ, źniavolenych lečać paracetamołam, byccam ad zvyčajnaj prastudy. Adnak, jak udałosia daviedacca Mayday team, simptomy chvaroby supadajuć z COVID-19.
Dakładna viadoma, što niekalki samych ciažkich pacyjentaŭ užo nakiravany ŭ Respublikanskuju ahulnasamatyčnuju balnicu DIN MUS. Epidemija ciahniecca jak minimum dva tydni, ale administracyja IK-22 admaŭlajecca ŭvodzić karancin, bo heta pryviało b da poŭnaj źmieny režymu pracy papraŭčaj ustanovy.