U Mahilovie vynieśli prysud za zhvałtavańnie i zabojstva, što ździejśnili 25 hadoŭ tamu
Kalehijaj pa kryminalnych spravach Mahiloŭskaha abłasnoha suda vyniesieny abvinavaŭčy prysud u dačynieńni da dvuch mahiloŭcaŭ za zabojstva, zhvałtavańnie i razboj, ździejśnienyja 25 hadoŭ tamu, paviedamlaje Dziaržkamitet sudovych ekśpiertyz.
Fota: Dziaržkamitet sudovych ekśpiertyz
U červieni 2000 hoda ŭ Mahilovie byŭ znojdzieny trup dziaŭčyny z prykmietami zhvałtavańnia i hvałtoŭnaj śmierci.
Doŭhi čas kryminalnaja sprava zastavałasia nie raskrytaj, pakul u 2024 hodzie nie ŭdałosia ŭstalavać dačynieńnie da złačynstva dvuch žycharoŭ Mahilova. Heta stała mahčymym dziakujučy sučasnym mietadam hienietyčnaha daśledavańnia.
Vyniki praviedzienych u Dziaržaŭnym kamitecie sudovych ekśpiertyz sudova-bijałahičnych i hienietyčnych ekśpiertyz dazvolili ŭstalavać asobu adnaho z datyčnych mužčyn.
U dačynieńni da abodvuch abvinavačanych vyniesieny abvinavaŭčy prysud: im pryznačana pakarańnie ŭ vyhladzie pazbaŭleńnia voli terminam na 25 hadoŭ, z adbyvańniem pieršych 5 hadoŭ u turmie, a nastupnych 20 hadoŭ — u papraŭčaj kałonii va ŭmovach strohaha režymu.