U Biełym domie nazvali «vielmi praduktyŭnaj» karotkuju sustreču Trampa i Zialenskaha
Prezident ZŠA Donald Tramp i ŭkrainski lidar Uładzimir Zialenski praviali «vielmi praduktyŭnuju» sustreču ŭ subotu ŭ Rymie, paviedamlaje «Jeŭrapiejskaja praŭda» sa spasyłkaj na Reuters.
Fota Siarhieja Lašenki
Sustreča doŭžyłasia 15 chvilin i stała pieršaj paśla lutaha skandału ŭ Avalnym kabiniecie ŭ Vašynhtonie, adbyłasia ŭ krytyčny momant pieramoŭ, skiravanych na spynieńnie bajavych dziejańniaŭ pamiž Ukrainaj i Rasijaj.
«Prezident Tramp i prezident Zialenski siońnia sustrelisia sam-nasam i praviali vielmi praduktyŭnuju dyskusiju. Bolš padrabiaznaja infarmacyja pra sustreču źjavicca paźniej», — skazaŭ Styvien Čunh, dyrektar pa kamunikacyjach Biełaha doma.
Tramp, jaki patrabuje ad abodvuch bakoŭ damovicca pra spynieńnie ahniu, zajaviŭ u piatnicu, što adbylisia praduktyŭnyja pieramovy pamiž jaho pasłancam i rasijskim kiraŭnictvam, i zaklikaŭ da sustrečy na vyšejšym uzroŭni pamiž Kijevam i Maskvoj dziela zaklučeńnia pahadnieńnia.
Taksama paviedamlajecca, što Tramp užo pakinuŭ Italiju.
Čytajcie taksama:
Zialenski pra sustreču z Trampam: Dobraja sustreča. Sam-nasam my paśpieli abmierkavać mnohaje
Zialenski i Tramp sustrelisia ŭ Vatykanie
Zialenski: Pieramoha Pucina budzie pravałam ZŠA jak suśvietnaha lidara