Apple płanuje pieranieści zborku ŭsich iPhone z Kitaja ŭ Indyju
Apple płanuje pieranieści zborku ŭsich iPhone, što pradajucca ŭ ZŠA, u Indyju na fonie handlovaj vajny Trampa. Pra heta piša Financial Times.
Ilustracyjnaje fota Ted Shaffrey / AP
Zaraz kampanija ŭsio jašče źbiraje bolšaść svaich iPhone u Kitai. Kampanija pradaje bolš za 60 młn iPhone u hod u ZŠA, ale da kanca nastupnaha hoda ŭsie jany mohuć być vyrableny ŭ Indyi, bo Apple imkniecca skaracić svaju zaležnaść ad Kitaja va ŭmovach abvastreńnia handlovych supiarečnaściej pamiž dźviuma krainami — ZŠA i Kitajem.
Jak adznačaje vydańnie, heta aznačała b udvaja pavialičanaje vytvorčaść «jabłyčnych» smartfonaŭ u Indyi paśla amal dvuch dziesiacihodździaŭ, na praciahu jakich kampanija ŭkładała značnyja srodki ŭ Kitaj dla stvareńnia vytvorčaj bazy. U apošnija hady Apple stabilna naroščvaje vytvorčyja mahutnaści ŭ Indyi z kantraktnymi vytvorcami Tata Electronics i Foxconn.
Paśla ŭviadzieńnia Donaldam Trampam pošlin, jakija skaracili rynkavy košt Apple na $700 młrd, kampanija paśpiašałasia ekspartavać dastupnyja vyrablenyja ŭ Indyi iPhone u Złučanyja Štaty.