«My nie kitajcy, my tajcy». U Tajłandzie zvolnili supracoŭnika nacparka paśla kanfliktu z rasijanami, jakija pavitali jaho pa-kitajsku «ni chaa»
Nahladčyka nacyjanalnaha parku ŭ Tajłandzie zvolnili paśla taho, jak u jaho adbyŭsia kanflikt z rasijskimi turystami. Jany pavitali jaho na kitajskaj movie, skazaŭšy: «ni chaa». Videa ź ich dyjałoham stała virusnym u internecie.
Incydent, jaki imhnienna raźlacieŭsia ŭ sacsietkach i nabraŭ miljony prahladaŭ, vyklikaŭ šyroki rezanans u hramadstvie i pryvioŭ da zvalnieńnia supracoŭnika.
26-hadovy supracoŭnik nacyjanalnaha parka Siranud Skot, jaki vykonvaŭ svaje abaviazki na plažy na poŭdni krainy, sčapiŭsia z rasijskaj paraj. Pryčynaj stała ich pryvitańnie — «ni chaa», tradycyjnaje kitajskaje vitańnie, jakoje jany vykarystali, vidać, nie ŭbačyŭšy roźnicy pamiž tajcami i kitajcami.
Adnak dla Skota heta stała asabistaj abrazaj.
«My nie kitajcy, my tajcy. Heta niavietliva i źnievažalna», — zajaviŭ jon, dadaŭšy, što, kali takoje paŭtorycca, jon damožacca departacyi turystaŭ z krainy.
Rasijanin tłumačyŭ, što nie źjaŭlajecca rasistam, ale Skot nastojvaŭ na svaim, nazyvajučy pavodziny turystaŭ niepavažlivymi.
Videa sabrała miljony prahladaŭ i vyklikała haračyja sprečki. Častka tajcaŭ vykazałasia ŭ padtrymku supracoŭnika, adznačajučy, što jany taksama časta sutykajucca z tym, što ich prymajuć za kitajcaŭ.
«Turyzm nie daje ludziam prava pavodzić siabie biezadkazna ci hrebliva da miascovaha nasielnictva», — napisała adna z karystalnic.
Adnak inšyja paličyli, što reakcyja Skota była praźmiernaj i tolki škodzić imidžu Taiłanda jak haścinnaj krainy.
«Možna było prosta papravić ludziej z uśmieškaj, a nie pahražać departacyjaj», — adznačyŭ adzin z kamientataraŭ.
Kiraŭnictva ž nacyjanalnaha parka vyrašyła zvolnić Siranuda Skota. U zajavie adznačajecca, što jaho pavodziny nie adpaviadali standartam słužby i mohuć nanieści škodu imidžu krainy.