Tolki ŭ adnym rajonie Biełarusi ŭ lasy možna chadzić biez abmiežavańniaŭ
Tolki adzin rajon u Biełarusi na hety momat nie ŭvioŭ abmiežavańniaŭ i zabaron na naviedvańnie lasoŭ, vynikaje ź interaktyŭnaj karty Minlashasa na sajcie viedamstva. Hety rajon — Łuniniecki ŭ Bresckaj vobłaści.
Skrynšot z sajta Ministerstva lasnoj haspadarki
Taksama na mapie jość tolki adzin rajon, paznačany čyrvonym koleram, što śviedčyć pra zabaronu pachodaŭ u les. Heta — Chojnicki na Homielščynie.
Usie astatnija rajony šaści abłaściej krainy paznačanyja žoŭtym koleram: u pryncypie ŭ les chadzić možna, ale z šeraham abmiežavańniaŭ.
Pry uviadzieńni abmiežavańniaŭ piecham u les zachodzić možna, adnak zabaroniena zajazdžać u jaho na aŭtamabili. Taksama ŭ lasach nielha razvodzić vohniščy i pravodzić masavyja mierapryjemstvy — naprykład, turystyčnyja źloty i kalektyŭnyja vyjezdy z pałatkami.