Biełarus hołym biehaŭ pa Varšavie i spravakavaŭ niekalki DTZ. Pryčyna — narkotyki
35-hadovy biełarus pad uździejańniem narkotykaŭ raspranuŭsia na vulicy i biehaŭ na varšaŭskaj aŭtatrasie. Publikacyju pra zdareńnie ad Miejski reporter zaŭvažyŭ MOST.
Skrynšot ź videa: Miejski reporter
Spačatku biełarus kiravaŭ Hyundai, ale aŭto sutyknułasia z BMW. Paśla jon znoŭku namahaŭsia jechać — sutyknuŭsia z aŭtacysternaj i aŭtamabilem Peugeot.
Zatym kiroŭca vyjšaŭ z mašyny i zabraŭsia na jaje dach. Mašyna jechała — za jaje rul sieŭ niechta inšy. Ale aŭto znoŭ urezałasia ŭ adbojnik. Biełarus upaŭ na abočynu. A Hyundai jašče paśpieŭ urezacca ŭ Iveco.
Ubačyŭšy na darozie hruzavik, mužčyna pryčapiŭsia da jaho zzadu i prajechaŭ takim čynam niekatoruju adlehłaść. Potym jon całkam raspranuŭsia i padbieh da aŭtamabila Nissan, raźbiŭ u im škło, a zatym zaskočyŭ na dach Renault. Praź niekatory čas inšyja kiroŭcy jaho zatrymali i pieradali palicyi.
Mužčynu špitalizavali. Miedykam jon paviedamiŭ, što ŭžyvaŭ narkotyki.