Na padvorku Doma druku ŭ Minsku znajšli vielizarny žoran
Znachodka bolš za miesiac šukała novy dom — siońnia jaje pieravieźli ŭ histaryčny centr horada.
Žoran kala muzieja archieałohii ŭ Vierchnim horadzie. Fota: telehram-kanał Minskija rečy
Jašče 28 lutaha na padvorku paślavajennaha korpusa Doma druku pa praśpiekcie Niezaležnaści, 77, padčas zamieny kamunikacyj budaŭniki natknulisia na niezvyčajnuju znachodku — vielizarny hranitny žoran.
Dyjamietr žornavaha kamienia składaje 178 santymietraŭ, taŭščynia — 45 sm, a vaha, pavodle acenak, — kala čatyroch ton. Pavodle papiaredniaj viersii śpiecyjalistaŭ, heta žoran ad krupadziorki — mašyny dla vyrabu krup. Jak jon apynuŭsia na hetym miescy — pakul nieviadoma.
Žoran na padvorku Doma druku. Fota z sacsietak
Transpartavańnie artefakta na terytoryju muzieja archieałohii ŭ Vierchnim horadzie. Fota: telehram-kanał Minskija rečy
Bolš za miesiac paśla znachodki ciažki artefakt zastavaŭsia tam, dzie jaho znajšli. I tolki ciapier, dziakujučy supolnym namahańniam redakcyi haziety «Kultura», dyrekcyi Muzieja historyi Minska i kiraŭnictva budaŭničaha tresta, žoran narešcie byŭ pieraniesieny na padvorak Muzieja archieałohii, što znachodzicca ŭ Vierchnim horadzie, na terytoryi byłoha biernardzinskaha klaštara.