Papa Francišak nadaŭ architektaru-madernistu Antonia Haŭdzi tytuł dastojniejšaha
Madernistu Antonia Haŭdzi nadadzieny status dastojniejšaha słuhi Božaha — Il Venerabile Servo di Dio. Da atrymańnia statusu «błasłaviony» (pieršy krok dla pryznańnia śviatym) zastaŭsia adzin krok, paviedamlajuć Vatykanskija naviny.
Antonia Haŭdzi. Fota: Wikimedia Commons
«Jon imknuŭsia pieratvaryć mastactva ŭ chvalebny himn Hospadu i ličyŭ svajoj misijaj zrabić Boha viadomym i nablizić ludziej da Jaho», — paviedamlaje pres-słužba Śviatoha Pasadu.
Haŭdzi časam nazyvajuć «architektaram Božym». Hałoŭnaj jaho pracaj źjaŭlajecca budaŭnictva chrama Śviatoha Siamiejstva (Sahrada Familija). Jon uznačaliŭ hety prajekt u 1883 hodzie i pryśviaciŭ jamu bolš za 40 hadoŭ svajho žyćcia. Apošnija 14 hadoŭ architektar žyŭ pobač z bazylikaj, jakaja tak i nie była skončana.