Łukašenka: Biełaruś i Pakistan damovilisia vypracavać miechanizm dla pryjezdu pracoŭnych mihrantaŭ
Pra heta jon zajaviŭ 11 krasavika na sustrečy ŭ šyrokim składzie z premjer-ministram Pakistana Šachbazam Šaryfam u Minsku, piša BiełTA.
Fota: BiełTA
Łukašenka raskazaŭ, što padčas pieramovaŭ baki abmierkavali važnuju i dalikatnuju temu pracoŭnych resursaŭ.
Jon kanstatavaŭ, što ŭ Pakistanie jość vialikaja kolkaść ludziej, jakija mohuć i chočuć pracavać u Biełarusi. Pamiž kiraŭnictvam dźviuch krain dasiahnuta damoŭlenaść ab tym, kab zabiaśpiečyć im takuju mahčymaść i vypracavać adpaviedny miechanizm.
«U cełym liču, što sielskaja haspadarka i ŭsio, što ź joj źviazana, źjaŭlajucca drajvieram našaha dvuchbakovaha supracoŭnictva», — padkreśliŭ Alaksandr Łukašenka.