Kirył Rudy rełakavaŭsia ŭ AAE
Były pamočnik Łukašenki i pasoł Biełarusi ŭ Kitai, doktar ekanamičnych navuk, prafiesar Kirył Rudy pierajechaŭ u Abjadnanyja Arabskija Emiraty, piša Office Life.
Kirył Rudy
«Ja źmianiŭ svoj pohlad na Blizki Uschod. Tak što dla lubych asabistych sustreč ja budu ŭ asnoŭnym dastupny ŭ AAE», — napisaŭ viadomy ekanamist u sacsietkach.
Kirył Rudy byŭ pamočnikam Łukašenki pa ekanamičnych pytańniach (2013-2016), pasłom Biełarusi ŭ Kitai (2016-2020). Pakinuŭšy dziaržaŭnuju słužbu, jon pracavaŭ u sistemie Banka BiełVEB i ŭvachodziŭ u radu Banka raźvićcia. Potym Kirył Rudy niekatory čas vykładaŭ u BDEU i vystupaŭ u jakaści kansultanta.
Letaś jaho zaprasili ŭ IT-kampaniju Andersen Lab kaardynavać pracu ź dziaržorhanami roznych krain. Akramia taho, Rudy maje častkovuju zaniataść u jakaści namieśnika staršyni biznes-płatformy Eurasia Gulf.
Čytajcie taksama:
Kirył Rudy znajšoŭ sabie novuju pracu ŭ Dubai, ale zusim nie pa statusie