Startavała anłajn-apytańnie biełarusaŭ nakont ekanomiki i žyćcia, anansavanaje premjeram Turčynym
Paŭdzielničać možna kožny achvotny, rehistracyja nie patrebnaja.
U Biełarusi pačałosia sacyjałahičnaje daśledavańnie, jakoje raniej anansavaŭ premjer-ministr Alaksandr Turčyn. Jano budzie prachodzić da 21 krasavika.
Jano budzie ŭklučać roznyja mietady, u tym liku apytańnie na partale Mierkavańnie.bieł, jakoje pravodzicca da 16 krasavika. U im zmohuć uziać udzieł usie achvotnyja. Biełarusam zamiežža paŭdzielničać składaniej, mahčyma, daviadziecca šukać biełaruski IP-adras.
Adkazy na apytańnie zajmajuć kala 10-15 chvilin. U bolšaść pytańniaŭ treba abrać adzin albo niekalki adkazy z prapanavanych varyjantaŭ, adnak jość i adkrytyja pytańni.
Palityčnyja temy ŭ daśledavańni nie ŭzdymajucca, ale zaŭvahi nakont škody krainie ad dyktatury možna dadavać u adkazach na adkrytyja pytańni.
Nieŭzabavie paśla svajho pryznačeńnia Alaksandr Turčyn zajaviŭ, što dla farmiravańnia prahramy sacyjalna-ekanamičnaha raźvićcia na 2025—2030 hady choča pravieści sacyjałahičnaje daśledavańnie, «kab razumieć zapyt hramadstva, što jano choča bačyć ad dziaržavy ŭ nastupnaj piacihodcy».