Vajskoŭcy ZŠA, što byli ŭ patanułaj mašynie ŭ Litvie, zahinuli
Hienprakuratura Litvy rasśleduje ich hibiel.
Miesca vyratavalnych pracaŭ. Fota z fejsbuka ministra abarony Litvy Davile Šakalenie
Paśla taho jak u paniadziełak na palihonie ŭ litoŭskim Padbrodździ z bałota była vyniataja patanułaja husieničnaja braniravanaja ramontna-evakuacyjnaja mašyna (BREM) ZŠA, prakuratura pačała dasudovaje rasśledavańnie pa fakcie hibieli vajskoŭcaŭ, jakija znachodzilisia na jaje borcie.
«Raspačataje dasudovaje rasśledavańnie dla vyśviatleńnia pryčyn śmierci», — zajaviła ŭ paniadziełak u Siejmie hienieralny prakuror Litvy Nida Hruskienie, paviedamlaje LRT.
Pa jaje słovach, na miesca zdareńnia vyjechaŭ prakuror, a rasśledavańnie viadzie Hienieralnaja prakuratura.
UPD. Paźniej litoŭskija ŭłady paviedamili, što niežyvymi znojdzienyja tolki troje vajskoŭcaŭ. Što zdaryłasia z čaćviortym — pakul nieviadoma.
Čytajcie taksama:
Vajskovuju mašynu z amierykanskimi vajskoŭcami, što zatanuła na palihonie ŭ Litvie, dastali