Polšča z pačatku hoda departavała bolš za 200 hramadzian Biełarusi
U asnoŭnym idzie havorka pra zamiežnikaŭ, jakija parušyli zakony Polščy.
Foto: nadbuzanski.strazgraniczna.pl
Z Polščy z pačatku hoda departavali bolš za 200 hramadzian Biełarusi, piša Reform.news sa spasyłkaj na Rzeczpospolita.
«Siarod zamiežnikaŭ, u dačynieńni da jakich byli vykananyja rašeńni ab abaviazkovym viartańni, najbolšuju kolkaść składajuć hramadzianie Hruzii, Biełarusi i Małdovy», — cytuje vydańnie słovy padpałkoŭnika Andžeja Juźviaka, pradstaŭnika hałoŭnaha kamandavańnia Pamiežnaj achovy.
Usiaho za dva miesiacy z Polščy byli departavanyja bolš za 1300 zamiežnikaŭ — na 85% bolš, čym letaś. U hety lik ŭvachodziać 260 hramadzian Hruzii i 220 hramadzian Biełarusi.
Treba adznačyć, što ŭ inšym miescy artykuła nazyvajecca ličba ŭ 240 hramadzian Biełarusi, departavanych sioleta, suprać 100 letaś.
Akramia taho, z krainy vysłali 150 hramadzian Małdovy, 90 — Kałumbii, 80 — Ukrainy i 60 — Rasii.
U asnoŭnym idzie havorka pra zamiežnikaŭ, jakija parušyli zakony Polščy. Jak vynikaje z materyjału, siarod ich — asudžanyja za napadzieńni, bojki, cialesnyja paškodžańni, pjanaje kiravańnie, parušeńnie zabarony na vadžeńnie transpartnych srodkaŭ, a taksama pieravozčyki mihrantaŭ.