Biełaruś pakinuła niamieckaja kampanija SAP
Biełaruski rynak kančatkova pakinuła niamieckaja kampanija SAP — raspracoŭščyk ERP-sistemy kiravańnia biznes-pracesami kampanij. Jurydyčnaja asoba «SAP SND» u Biełarusi była likvidavanaja, piša Plan B.
Pavodle infarmacyi vydańnia, u Rasii da 2022 hoda SAP kantralavała nie mienš za 60% rynku pramysłovaha śpiecyjalizavanaha softu. U Biełarusi hetaja dola była nie mienšaj.
Klijentami kampanii byli kancern «Biełnaftachim», Biełaruskaja naftavaja kampanija, «Biełarusnafta», «Hazpram transhaz Biełaruś», Mazyrski NPZ, «Homielenierha», «Atłant-M», «Santa-Bremar» i A1.
Z pačatkam poŭnamaštabnaj vajny, raźviazanaj Rasijaj suprać Ukrainy, kampanija abjaviła, što pakinie Rasiju i Biełaruś. Ź viasny 2022 hoda SAP spyniŭ zaklučeńnie novych kantraktaŭ.
Z pačatku 2024 hoda kampanija spyniła padtrymku ŭsiaho svajho softu na hetych rynkach, a z sakavika adklučyła vobłačnyja servisy.
ERP-sistema — płatforma, jakaja źviazvaje vytvorčyja, technałahičnyja i kadravyja pracesy kampanii ŭ adnu sistemu.
Čytajcie taksama:
U Biełaruś źbirajecca zajści kitajski servis zakazu taksi
Prakapienia pradaŭ kryptabiržu Currency ź biełaruskimi karaniami inviestaram
Kampanija A1 stanie dyśpietčaram taksi
«Tvar PVT» Kirył Zaleski staŭ ministram. Što pra jaho viadoma?