U maršrutkach vosieńniu pačnuć abaviazkova prymać apłatu kartkami
Ministerstva padatkaŭ i zboraŭ Biełarusi anansavała, što z 1 listapada 2025 hoda maršrutki pavinny być abstalavanyja apłatnymi terminałami dla apłaty prajezdu. Pra heta paviedamlaje pres-słužba viedamstva.
Fota ilustracyjnaje
Novaŭviadzieńnie tyčycca haradskich aŭtobusnych pieravozak katehoryi M2. Pasažyry zmohuć apłačvać pajezdki nie tolki najaŭnymi, ale i bankaŭskimi kartami abo inšymi bieznajaŭnymi sposabami — naprykład, z dapamohaj QR-kodaŭ.
Abaviazak vykarystoŭvać płaciežnyja terminały dla bieznajaŭnych raźlikaŭ u niekatorych śfierach byŭ uviedzieny pastanovaj Saŭmina i Nacyjanalnaha banka Biełarusi ad 6 lipienia 2011 hoda. Paźniej, 23 kastryčnika 2023 hoda, śpis śfieraŭ, dzie možna vykarystoŭvać bieznajaŭnyja płaciažy, byŭ pašyrany.