Salihorcy ramantavali dach i znajšli spraŭny «parabiełum», jaki schavali 60 hadoŭ tamu
U skrutku na haryščy lažaŭ lehiendarny pistalet 1940 hoda vypusku.
Skrynšot videa MUS
U Salihorskim rajonie padčas ramontu dachu doma znajšli pistalet sistemy «Borchardt-Luhiera», jaki byŭ vypuščany ŭ 1940 hodzie.
Iržavy «parabiełum» u bajavym stanie lažaŭ u skrutku razam z patronam. Pa viersii siłavikoŭ, pistalet schavali na dachu pry budaŭnictvie doma bolš za 60 hadoŭ tamu. Jahonych uładalnikaŭ užo dziesiać hadoŭ jak niama siarod žyvych.
Salihorcy paviedamili pra znachodku ŭ milicyju, siłaviki kanfiskavali pistalet i patron.
«Parabiełum» byŭ adnym z samych papularnych pistaletaŭ u pieršaj pałovie XX stahodździa, jaho aktyŭna vykarystoŭvali padčas Pieršaj i Druhoj suśvietnych vojnaŭ.
Čytajcie taksama:
Viaskoviec streliŭ sabie ŭ hałavu, praspaŭ pałovu sutak — i vyžyŭ
U Smarhoni dvoje padletkaŭ paspračalisia na stadyjonie — skončyłasia strełam u voka
Vynieśli prysud mužčynu, jaki stralaŭ pa padletkach u Smarhoni