Pinčuk samastojna zapaŭniaŭ recepturnyja błanki i kuplaŭ preparaty
Rabiŭ jon heta ŭ niezvyčajnym stanie.
Kab mieć mahčymaść rehularna nabyvać miedycynskija preparaty, jakija vydajucca tolki pa pryznačeńni doktara-śpiecyjalista, 37-hadovy pinčuk ułasnaručna zapaŭniaŭ recepty na preparaty, a taksama staviŭ piačatku. Adnak doŭžyłasia heta niadoŭha, paviedamlaje Dziaržaŭny kamitet sudovych ekśpiertyz.
U milicyju pastupiła paviedamleńnie ab nabyćci mužčynam u aptekach horada miedykamientaŭ pa padroblenych receptach. Rodnych naściarožyła rehularnaja kupla preparataŭ členam siamji. Recepturnyja błanki, vypisanyja na inšych asob, byli kanfiskavanyja dla praviadzieńnia ekśpiertyzy.
U chodzie daśledavańnia błankaŭ ekśpiert paćvierdziŭ padazreńni — zapisy na tytulnych bakach receptaŭ zrobleny samim pinčukom. Akramia taho, ustanoŭlena, što zapisy vykanany mužčynam u niezvyčajnym stanie, jaki nosić adnosna pastajanny charaktar i moža być abumoŭleny sindromam zaležnaści ad ałkaholu.
Jak rastłumačyŭ jon, u kancy 2024 hoda jon nabyŭ błanki miedycynskich receptaŭ, a taksama doktarskuju piačatku. Usio heta jon zamoviŭ u internecie ŭ nieviadomaj asoby.
Pravaachoŭnyja orhany daduć pravavuju acenku dziejańniam pinčanina.
Ekśpierty nahadvajuć, što ŭłasnaručnaje ŭniasieńnie źmianieńniaŭ u dakumienty, dapiski, vypraŭleńni, padčystki ciahnuć za saboj adkaznaść u adpaviednaści z zakonam.