Tramp maje namier pahavaryć z Pucinym zaŭtra
Prezident ZŠA Donald Tramp zajaviŭ, što parazmaŭlaje z rasijskim kaleham Uładzimiram Pucinym pa telefonie 18 sakavika, pieradaje Reuters. Pra heta jon paviedamiŭ žurnalistam na borcie samalota padčas pieralotu ŭ Vašynhton z Fłarydy.
Donald Tramp. Fota: Joe Raedle / Getty Images
Respublikaniec udakładniŭ, što maje namier padčas razmovy padniać pytańnie terytoryj u kantekście kanfliktu va Ukrainie, a taksama abmierkavać kantrol nad atamnymi elektrastancyjami. Pavodle jaho słoŭ, za vychadnyja była praviedzienaja «vialikaja praca».
«My chočam pahladzieć, ci zmožam my pakłaści kaniec hetaj vajnie. Mahčyma, zmožam, mahčyma, nie, ale ja dumaju, što ŭ nas vielmi dobryja šancy», — skazaŭ jon.
Tramp 11 sakavika paviedamiŭ, što źbiraŭsia stelefanavacca z Pucinym na tym tydni, adnak razmovy nie adbyłosia.
Razmova 18 sakavika, kali jana adbudziecca, moža stać druhoj pamiž palitykami z momantu ŭvachodžańnia Trampa na pasadu. U minuły raz respublikaniec i Pucin razmaŭlali 12 lutaha.