Darohi na vyjezd ź Minska buduć rabić z cemientabietonnym pakryćciom
Mintrans płanuje pieravieści asnoŭnyja darohi, jakija viaduć ź Minska, na cemientabietonnaje pakryćcio.
Fota: Office Life
«Dla zabieśpiačeńnia ekałahičnaj biaśpieki, ustojlivaści da vysokich nahruzak i daŭhaviečnaści darožnaha pakryćcia namiečana pieravieści asnoŭnyja vychady ź Minska (u miežach druhoj kalcavoj) u cemientabietonnyja aŭtadarohi», — paviedamiła viedamstva.
Heta dapamoža zabiaśpiečyć dobruju transpartnuju suviaź z haradami-spadarožnikami z dapuščalnaj nahruzkaj 11,5 tony na voś. Taksama čynoŭniki raźličvajuć, što heta dazvolić padtrymać ekanomiku pradpryjemstvaŭ u haradach-spadarožnikach i paśla źnizić finansavyja vydatki na ramont daroh vakoł Minska.
Zusim chutka startujuć raboty pa kapitalnym ramoncie vychadu ź Minska ŭ napramku Mahilova i Homiela (učastak aŭtadarohi M-4).