Ukraina praviała paśpiachovaje vyprabavańnie svajoj novaj rakiety «Doŭhi Nieptun»
Jana była vykarystana dla ataki na naftapierapracoŭčy zavod u rasijskim horadzie Tuapse.
Ilustracyjnaje fota. Fota: Ukroboronprom
Prezident Ukrainy Uładzimir Zialenski zajaviŭ pra «istotnyja vyniki» ŭ rakietnaj prahramie krainy paśla vyprabavańniaŭ i pieršaha bajavoha prymianieńnia rakiety «Doŭhi Nieptun», piša «Ukrajinśka pravda».
«Novaja ŭkrainskaja rakieta, dakładny ŭdar. Dystancyja — tysiača kiłamietraŭ. Dziakuju našym ukrainskim raspracoŭščykam, vytvorcam i vajskoŭcam. Praciahvajem pracavać dziela zabieśpiačeńnia ŭkrainskaj biaśpieki», — napisaŭ Zialenskim u svaim telehram-kanale.
Pavodle krynic ukrainskaha vydańnia «Ukrajinśka pravda», rakieta «Doŭhi Nieptun» była vykarystana dla ataki na naftapierapracoŭčy zavod u rasijskim horadzie Tuapse.
U kancy 2023 hoda stała viadoma, što Ukraina raspracoŭvaje novuju madyfikacyju rakiety dla ajčynnaha rakietnaha kompleksu «Nieptun», jaki pieršapačatkova byŭ stvorany dla paražeńnia varožych karabloŭ.