Minpracy kankretyzuje śpis prafiesij, na jakija možna budzie brać na pracu niepaŭnaletnich
Ministerstva pracy i sacyjalnaj abarony Biełarusi padrychtavała novy śpis rabot, na jakich dazvolenaja praca niepaŭnaletnich. Dakumient, jaki, jak paviedamlajecca, źjavicca ŭ najbližejšy čas, pavinien pašyryć pieralik dastupnych dla padletkaŭ prafiesij i kankretyzavać farmuloŭki.
Fota ilustracyjnaje
U Ministerstvie pracy patłumačyli, što źmieny byli ŭniesienyja «pa šmatlikich prośbach» kadravych śpiecyjalistaŭ. Im było ciažka supastavić vakansii, na jakija pretendujuć niepaŭnaletnija, ź dziejnym śpisam zabaronienych rabot. U ciapierašnim śpisie paznačanyja tolki vidy rabot (naprykład, buravyja, padziemnyja, padvodnyja), što ŭskładniała adnaznačnuju traktoŭku. Tamu ŭ novym dakumiencie viedamstva vyrašyła pieraličyć kankretnyja prafiesii.
Užo vyrašana, što pieralik prafiesij, dastupnych dla niepaŭnaletnich, budzie istotna pašyrany. U ahulnym liku padletkam stanuć dastupnyja bolš za 160 rabočych prafiesij. U pryvatnaści, im budzie dazvolena pracavać:
- u palihrafičnaj vytvorčaści: karektaram, apierataram elektronnaha naboru i viorstki, apierataram elektronnaha koleravydzialeńnia, drukarom.
- na vytvorčaści praduktaŭ charčavańnia: kulinaram, kandytaram, kucharam.
U ministerstvie taksama paviedamili, što nastupnym krokam stanie pierahlad i pašyreńnie pieraliku lohkich vidaŭ rabot, jakija mohuć vykonvać padletki va ŭzroście ad 14 da 16 hadoŭ.
Čytajcie taksama:
U Minpracy raskazali, jak možna pavialičyć piensiju pry admovie ad jaje
U Minpracy raskazali, kali piarojduć na elektronnyja balničnyja