Troje siabrukoŭ u kramach pry AZS šukali tavary, jakija pradajucca z parušeńniami, a paśla vymahali hrošy ŭ pradaŭcoŭ
U bandzie było troje minčukoŭ va ŭzroście ad 29 da 37 hadoŭ: zasnavalnik, dyrektar i mieniedžar pryvatnaj firmy, paviedamlaje pres-słužba MUS.
Jany pad vyhladam spažyŭcoŭ zachodzili ŭ handlovyja zały aŭtazapravačnych stancyj u roznych rehijonach krainy i niezakonna praviarali tavary.
Pry vyjaŭleńni parušeńniaŭ šantažavali pradaŭcoŭ padačaj skarhaŭ i zmušali kupić u ich navučalnyja sieminary na temu praviłaŭ roźničnaha handlu.
Takim sposabam za niekalki hadoŭ złamyśniki zarabili zvyš miljona rubloŭ.
Zaviedziena kryminalnaja sprava za vymahalnictva, ździejśnienaje ŭ asabliva bujnym pamiery. Zatrymanym pahražaje da 15 hadoŭ pazbaŭleńnia voli.