U Buenas-Ajresie razahnali akcyju piensijanieraŭ i fanataŭ Maradony
Arhiencinskaja palicyja ŭžyła ślezaciečny haz, humovyja kuli i vadamioty dla razhonu ŭdzielnikaŭ akcyi pratestu ŭ Buenas-Ajresie, jakaja pierarasła ŭ sutyknieńni, piša Bi-bi-si.
Fota: Rodrigo Abd / AP
Jak paviedamlajuć miascovyja ŚMI, prynamsi 20 čałaviek paciarpieli i kala 150 byli zatrymanyja.
Akcyja prachodziła kala budynka Nacyjanalnaha kanhresa Arhienciny, u joj udzielničała kala dźviuch tysiač čałaviek.
Da demanstrantaŭ, u asnoŭnym piensijanieram, jakija vystupali suprać palityki žorstkaj ekanomii prezidenta Chaŭjera Mileja, dałučylisia futbolnyja zaŭziatary z nacyjanalnymi ściahami i partretami futbalista Dyjeha Maradony.
Jak paviedamili ŭłady, udzielniki akcyi pačali kidać u palicejskich kamiani, śvietłašumavyja hranaty i butelki, pasprabavali ŭźvieści barykady i padpalili aŭtamabil.
Čytajcie taksama:
Daktaroŭ, što lačyli Maradonu pierad śmierciu, buduć sudzić. Im pahražaje da 25 hadoŭ turmy