Volha Karač pachvaliłasia novaj pracaj. Jana źviazana ź jadziernaj zbrojaj
Post ab svajoj novaj pracy ŭ roli «siabroŭki arhanizacyi» Volha Karač apublikavała ŭ LinkedIn.
Volha Karač. Fota: Ofis Śviatłany Cichanoŭskaj
«Z zadavalnieńniem paviedamlaju, što ja pačynaju pracu na novaj pasadzie — Member u kampanii The International Campaign to Abolish Nuclear Weapons (ICAN)», — napisała jana.
Post Volhi Karač u LinkedIn
Zhodna infarmacyi na sajcie inicyjatyvy, jana była zasnavana ŭ 2007 hodzie jak hłabalnaja kaalicyja hramadzianskaj supolnaści. Pracujuć aktyvisty nad tym, kab u śviecie zachoŭvałasia i vykonvałasia Damova ab zabaronie jadziernaj zbroi.
Zhodna profilu Karač u LinkedIn, bakałaŭryjat jana skončyła ŭ Viciebskim univiersitecie imia Mašerava pa śpiecyjalnaści «ruskaja mova i litaratura, biełaruskaja mova i litaratura». Paźniej jana atrymała mahistarski dypłom u EHU — pa profili «palityčnaja navuka».
Asnoŭny pracoŭny dośvied Karač — kiraŭnictva svajoj arhanizacyjaj «Naš dom».