U Hrodzienskim zaaparku pračnulisia miadźviedzi VIDEA
Zaapark apublikavaŭ videa z žyviołami, padpisaŭšy «Usich ź viasnoj!».
Miadźviedzi paśla śpiački. Skrynšot ź videa: Hrodzienski zaapark
U śpiačku miadźviedzi syšli jašče ŭ listapadzie. Niahledziačy na ciopłuju zimu, jany nie pračynalisia bolš za try miesiacy.
«Zredku, u pahodlivyja dni, kasałapyja vychodzili na vulicu dla taho, kab trochi raźmiacca. Ale paśla niepraciahłych prahułak viartalisia ŭ svaje miakkija «paścielki» i znoŭ apuskalisia ŭ son», — raskazali ŭ zaaparku.
Taksama pres-słužba ŭdakładniła, što ŭzimku miadźviedzi nie haładajuć — ich kormiać naŭprost u biarłozie. Kab całkam pračnucca, žyviołam spatrebicca niekalki dzion. A kali na vulicy znoŭ stanie chałodna, to tydniaŭ.
U minułym hodzie miadźviedzi pračnulisia 28 lutaha.