U Tadevuša Kandrusieviča značna pahoršaŭ stan zdaroŭja
Pra značnaje paharšeńnie stanu zdaroŭja arcybiskupa-emieryta Tadevuša Kandrusieviča paviedamiła 11 sakavika kuryja Minska-Mahiloŭskaj archidyjacezii biełaruskaha kaścioła. 79-hadovy ijerarch prachodzić lačeńnie, ale padrabiaznaści nie ŭdakładniajucca, paviedamlaje katolik.life.
«10 sakavika stała viadoma pra značnaje paharšeńnie stanu zdaroŭja arcybiskupa Tadevuša Kandrusieviča, jaki chvareje na ankałahičnaje zachvorvańnie (miełanoma)», — koratka prainfarmavała kuryja.
Z hetaj nahody ŭ archikatedralnym kaściole ŭ Minsku 13 sakavika a 15 hadzinie adbudziecca śviataja imša za azdaraŭleńnie dla Papy Franciška i biełaruskaha ijerarcha.
Nahadajem, u lutym 2023 hoda arcybiskup Tadevuš Kandrusievič pieranios apieracyju pa vydaleńni puchliny. U mai 2024 hoda jamu rabili apieracyju na sercy paśla pieraniesienaha infarktu.