U Minsku źmienicca ruch tramvajaŭ
U suviazi z časovym zakryćciom tramvajnaha ruchu na ŭčastku ad vuł. Krasnaj da DS «Voziera» z 15 sakavika pa 30 krasavika ŭ stalicy źmienicca schiema pracy šerahu tramvajnych maršrutaŭ, paviedamlaje Minsktrans.
Skaračajecca trasa tramvajnaha maršrutu №3: jon budzie kursiravać ad DS «Sierabranka» da prypynku «Źmitraka Biaduli» z rucham pa vuł. Kazłova, vuł. Płatonava, vuł. Čapajeva i vuł. Źmitraka Biaduli. U zvarotnym napramku — pa vuł. Źmitraka Biaduli, vuł. Kazłova i dalej pa maršrucie.
Tramvajnyja maršruty №4 i №5 admianiajucca.
Zapuskajecca časovy kampiensacyjny aŭtobusny maršrut №903: «Čarviakova — pr. Niezaležnaści».
Z 15 sakavika mianiajucca raskłady ruchu tramvajnych maršrutaŭ №1 i №6. Bolš padrabiaznuju infarmacyju možna znajści na sajcie «Minsktransa».
Pasažyry, jakija majuć prajazny dakumient na tramvaj abo apłacili pajezdku ŭ tramvai biletam na adnu pajezdku, mohuć karystacca aŭtobusnym maršrutam №903 biez dadatkovaj apłaty i naadvarot.